Ըստ վարչապետ Տիգրան Սարգսյանի` ավելի դիվերսիֆիկացված տնտեսություն ունենալու կարիքը կարևոր դաս է, որ Հայաստանը պետք է քաղի ճգնաժամային շրջանից, որի միջով նա անցել է անցյալ տարի:

«Դիվերսիֆիկացիայի ցածր մակարդակն է պատճառը, որ մեզ մոտ տնտեսական անկումն ավելի մեծ էր, քան այլ երկրներում, որոնք դիվերսիֆիկացիայի բարձր մակարդակ ունեն»,- ասել է Սարգսյանը երեքշաբթի ՀՀ Ազգային ժողովում «ՀՀ 2009 թվականի պետական բյուջեի կատարման տարեկան հաշվետվության» քննարկման ժամանակ:

Վերջին երկու շաբաթում դրամի նկատվող արժևորումը (1 դոլարի փոխարժեքը 400-ից իջել է մոտ 375-78 դրամ) դեռ կշարունակվի, քանի որ այս տարվա հինգ ամսում 64 տոկոսով աճել են արտահանման ծավալները, աճել են նաև մասնավոր տրանսֆերտները, սակայն ամենամեծ գործոնը, ըստ ՀՀ կենտրոնական բանկի նախկին նախագահ Բագրատ Ասատրյանի, «ինչ-որ անձանց ցանկությունն է»:

Այս տարի Հայաստանում տնտեսական աճի ավելի լավատեսական սցենար է կանխատեսվում, որը պայմանավորված է անցյալ տարվա տնտեսական ճգնաժամի հաղթահարման ակնկալվածից ավելի բարձր տեմպերով:

Հինգշաբթի վարչապետ Տիգրան Սարգսյանն ասաց, որ իր կառավարության հակաճգնաժամային ծրագիրը դրական արդյունք է տալիս` օգնելով հաղթահարելու անցյալ տարի երկրի ունեցած ամենածանր տնտեսական ճգնաժամը:

Թեև Հայաստան ապրանքներ ներմուծողները և հայաստանցի զբոսաշրջիկները հնարավոր է ուրախանան Եվրամիության միակ արտարժույթի` եվրոյի անկմամբ, որը շարունակվում է Հունաստանում ստեղծված լուրջ սոցիալ-տնտեսական ճգնաժամի պատճառով, փորձագետներն ասում են, որ եվրոյի անկումը երկարաժամկետ պլանով կարող է բացասական ազդեցություն ունենալ Հայաստանի տնտեսության վրա:

Հունաստանը, որը Եվրամիության 27 անդամ երկրներից է և գտնվում է եվրագոտում, ծանր պարտքերի պատճառով հայտնվել է ճգնաժամի մեջ և, չնայած հսկայական միջազգային աջակցությանը, շարունակում է սպառնալ ԵՄ-ի ֆինանսական կայունությանը: Հունաստանի արտաքին պետական պարտքը կազմում է 300 մլրդ եվրո (366 դոլար), իսկ ընդհանուր պարտքը հավասար է ՀՆԱ-ի 113%-ին:

Հուլիսից Երևանում և հարակից տարածքներում` թե´ սովորական, թե´ կորպորատիվ սպառողների համար ջրի սակագինը կբարձրանա ավելի քան 14 տոկոսով այն բանից հետո, երբ սակագնի փոփոխության խնդրանքով «Երևան ջուր» ՓԲԸ-ն դիմել է Հանրային ծառայությունները կարգավորող հանձնաժողով:

Հայաստանի առաջատար հետազոտական կենտրոններից մեկի վերլուծության համաձայն`2009 թ. Հայաստանի տնտեսությունը գրանցել է ամենամեծ անկումը ԱՊՀ, Արևելյան Եվրոպայի և Մերձավոր Արևելքի երկրների շարքում:

Անցնող տարին փորձությունների տարի դարձավ Հայաստանի տնտեսության համար` հանգեցնելով տնտեսական աննախադեպ ու անսպասելի անկման վերջին 10 տարիներին շարունակվող տնտեսական աճի ֆոնին:

ԱԺ նախագահի խորհրդական տնտեսագետ Թաթուլ Մանասերյանը կարծում է, որ ներքին և սփյուռքի ռեսուրսները ճիշտ օգտագործելու դեպքում Հայաստանը կունենա ոչ թե 1,2% տնտեսական աճ, այլ շատ ավելի:

Հիշեցնենք, որ 2009 թ. արձանագրվել է 18,3 տոկոս տնտեսական անկում: Համաշխարհային բանկի և Արժույթի միջազգային հիմնադրամի կանխատեսումներով` Հայաստանի տնտեսական անկումը մինչև այս տարեվերջ կհասնի է 15,6 տոկոսի` ցույց տալով «աճ», որը նվազեցնում է անկման արագությունը:

Միջազգային ֆինանսական կառույցի ներկայացուցիչը դրական է գնահատում Հայաստանի կառավարության հակաճգնաժամային քաղաքականությունը, բայց միաժամանակ նշում է, որ երկրում ֆինանսական ու տնտեսական տարբեր սխալ քայլեր ու մոտեցումներ են կիրառվել, որոնք դեր են խաղացել 2009 թ. տնտեսության կտրուկ անկման գործում:

Հինգշաբթի լրագրողներին ներկայացնելով Արժույթի միջազգային հիմնադրամի (ԱՄՀ) կանխատեսումները տարածաշրջանում 2010-ի համար` ԱՄՀ հայաստանյան գրասենյակի ներկայացուցիչ Նինկե Օմեսն ասել է, որ, ըստ իրենց կանխատեսումների, 2009-ը Հայաստանը կփակի 15,5 տոկոս տնտեսական անկումով:

Ընդդիմության կողմից որպես «հրաժարականի» բյուջե որակված 2010 թ. բյուջեի նախագծով կրճատվել են մի շարք նախարարությունների ծախսերը, ինչը, սակայն, նախարարներին թևաթափ չի անում:

2010-ի բյուջեի ծախսային մասը 859 մլրդ դրամ է ծրագրված (մոտ 2 մլրդ 230 մլն դոլար), ինչը 75 մլրդ դրամով (մոտ 195 մլն դոլար) պակաս է այս տարվա համար պլանավորված եկամտային մասից և 21 մլրդ դրամով (մոտ 55 մլն դոլար)` սպասվող ծախսային մասից: