Չնայած իսրայելա-թուրքական դիվանագիտական լարվածությանը` կապված անցյալ ամիս Գազայի շրջափակումը ճեղքելու նպատակով նավատորմիղի իրականացրած անհաջող փորձի հետ, Կնեսետը նախատեսել է նստաշրջան անցկացնել 1915 թ. Հայոց ցեղասպանության հարցով, որը վերագրվում է օսմանյան թուրքերին:

Սակայն, ըստ կառավարության և Կնեսետի միջև ձեռք բերված համաձայնության` քննարկումը կանցկացվի ոչ թե լիագումար նիստի ժամանակ, այլ Կնեսետի հանձնախմբում, ամենայն հավանականությամբ` արտաքին հարաբերությունների և պաշտպանության:

Ապրիլի 28-ին Իսրայելի խորհրդարանականները որոշում ընդունեցին Կնեսետի օրակարգում ընդգրկել Հայոց ցեղասպանության հարցը, որն առնվազն 2007 թ. ի վեր Իսրայելում խնդիրներ է առաջացնում:

Արտաքին հարաբերությունների և պաշտպանության հարցերի մշտական հանձնախմբի գործունեության վրա մեծ ազդեցությունն ունի Թուրքիայի և Ադրբեջանի լոբբինգը, և հարցը կարող է մեկ անգամ ևս մոռացության մատնվել:

2007 թ. Հակազրպարտչական լիգան (ADL) հայտարարեց, որ 1915 թ. 1,5 մլն հայերի կոտորածները կճանաչի Հայոց ցեղասպանություն: Այդ կազմակերպության նախագահ Աբրահամ Ֆոքսմանը հաղորդեց, որ որոշումն ընդունվել է մանրամասն քննարկվելուց հետո:

11 տարի շարունակ ՀՅԴ կուսակցությունը կազմակերպում է ջահերով երթ` հարգելով Ցեղասպանության զոհերի հիշատակը: Երթի վերջում, ավանդույթի համաձայն, այրում են Թուրքիայի դրոշը, որը կրկնվեց նաև այս տարի` ապրիլի 23-ին:

Որոշ հայեր միշտ էլ այս քայլը համարել են անտեղի քաղաքական ակցիա` արված մի օր, երբ պետք է ավելի շատ հարգանքի տուրք մատուցել զոհվածների հիշատակին, քան թշնամանք ցույց տալ:

Նախագահ Սարգսյանի ապրիլի 22-ի որոշումը հայ-թուրքական հարաբերությունների կարգավորման գործընթացը կասեցնելու վերաբերյալ, ըստ որոշ կանխատեսումների` նոր շունչ կհաղորդի Հայոց ցեղասպանության ճանաչման 252 բանաձևի շուրջ քննարկումներին:

արտգործնախարար Ահմեդ Դավութօղլուից, թե ինչպես է պատահել, որ Հայոց ցեղասպանության մասին պատմող գերմանացի ռեժիսորի նկարահանած վավերագրական ֆիլմը ցուցադրվել է Գերմանիայի հեռուստատեսությամբ: «Աղետ. Ցեղասպանություն» վերնագրով ֆիլմի ռեժիսորը Էրիկ Ֆրիդլերն է, որը «համոզիչ կերպով ապացուցում է Հայոց ցեղասպանության բացարձակ ճշմարտությունը» ( գրում է Հայկական հիշատակության կենտրոնը ).

Շաբաթվա սկզբին Թբիլիսիի հայերի ասամբլեան դիմել է Վրաստանի ղեկավարությանը` Հայոց ցեղասպանությունը ճանաչելու պահանջով, Վրաստանի նախագահ Միխեիլ Սահակաշվիլուն, խորհրդարանի նախագահին, խորհրդարանի յուրաքանչյուր պատգամավորին անվանական, ինչպես նաև մի շարք քաղաքական կուսակցությունների առաջնորդներին ուղղված պաշտոնական նամակներով:

Երեքշաբթի` ապրիլի 20-ին, ավելի քան 70 թուրք մտավորականներ տարածել են «Այս ցավը մեր ցավն է, այս սուգը` բոլորինս» վերնագրով հատուկ ուղերձ` կոչ անելով իրենց հայրենակիցներին ապրիլի 24-ի երեկոյան հավաքվել Ստամբուլի Թաքսիմ հրապարակում` ոգեկոչելու, ինչպես իրենք են ասում, 1915 թ. Մեծ աղետի զոհերի հիշատակը:

Կալիֆոռնիայի նահանգապետ Առնոլդ Շվարցենեգերը ապրիլի 19-26-ը հայտարարել է «Հայոց ցեղասպանության ոգեկոչման օրեր»:

Ապրիլի 24-25-ը Անկարայում անցկացվելու է գիտաժողով` նվիրված Հայոց ցեղասպանությանը` «1915 թվականը նախա և հետպատմական ժամանակաշրջանում. ժխտում և առճակատում» խորագրով: Անկարայի մտքի ազատության կենտրոնի (AFTI) նախաձեռնությամբ կազմակերպվող գիտաժողովի ընթացքում անդրադարձ կլինի ոչ միայն պատմությանը, այլև կքննարկվեն հայերի գույքի բռնագրավմանն ու փոխհատուցմանն առնչվող հարցեր:

ԱՄՆ վարչակազմն ակնկալում է, որ Թուրքիայի վարչապետ Ռեջեփ Թայիփ Էրդողանը գալիք ամիս կմասնակցի Վաշինգտոնում կայանալիք անվտանգության միջազգային գագաթնաժողովին: