Արցախի Հանրապետության Նախագահ Բակո Սահակյանի մոտ մարտի 13-ին տեղի է ունեցել աշխատանքային խորհրդակցություն` նվիրված հանրապետության արտաքին գործերի նախարարության 2009 թվականի գործունեության արդյունքների ամփոփմանը եւ 2010 թվականի անելիքներին:

Մարտի 11-ին «Գոլդեն Թյուլիփ Երևան» հյուրանոցում տեղի ունեցավ խտասկավառակի շնորհանդես, որում ընդգրկած ֆիլմերը նկարահանել են ղարաբաղցիները և ադրբեջանցիները «Կինոերկխոսություններ» նախագծի շրջանակներում: Նախագիծն արդեն չորս տարի է` իրականացվում է, նկարահանվել է 22 ֆիլմ, որոնք պատմում են հակամարտությունից տուժած հայ և ադրբեջանցի սովորական մարդկանց կյանքի մասին:

ԼՂՀ հերթական խորհրդարանական ընտրությունները ընդդիմության բացարձակ բացակայությամբ կտարբերվեն նախորդ չորս ընտրություններից, որոնք նախկինում անցկացվել են հայկական պետությունում`1991 թ. Բաքվից անկախանալուց և իր առաջին օրենսդիր մարմինը ստեղծելուց հետո: Մայիսի 23-ին Ղարաբաղում կանցկացվեն հերթական խորհրդարանական ընտրություններ:

Արդեն 15-րդ տարին է, որ գարնան գալուստն աչքի է ընկնում հայ-ադրբեջանական ուժերի շփման գծում դիպուկահարների մահացու գործողությունների ակտիվացմամբ:

Սա կապված է սահմանամերձ շրջաններում գյուղատնտեսական աշխատանքներ սկսելու հետ, որոնց արդյունավետությունից էլ մեծ մասամբ կախված է տարվա բերքատվությունը և, համապատասխանաբար, մերձճակատային գոտու բնակչության նստակյացության աստիճանը:

Մարտի 3-ին Լեռնային Ղարաբաղի Հանրապետության իշխանությունների հետ նախօրոք ձեռք բերված պայմանավորվածության համաձայն, ԵԱՀԿ առաքելությունը պլանային դիտարկում է անցկացրել Լեռնային Ղարաբաղի և Ադրբեջանի զինված ուժերի շփման գծի` ԼՂՀ Մարտակերտի շրջանի Թալիշ բնակավայրի հյուսիսային ուղղությամբ:

Լեռնային Ղարաբաղի Հանրապետության արտաքին գործերի նախարարության հյուպատոսական ծառայության տվյալների համաձայն, չնայած համաշխարհային ֆինանսական ճգնաժամին, 2009թ. երկրորդ, երրորդ եւ չորրորդ եռամսյակներում ԼՂՀ այցելած օտարերկրյա քաղաքացիների ընդհանուր թիվը 10%-ով ավելացել է 2008թ. համանման ժամանակահատվածի համեմատությամբ:

1988թ. փետրվարի վերջին Սումգայիթ քաղաքում տեղի ունեցած իրադարձությունները իրենց վայրագությամբ և դաժանությամբ ցնցեցին համաշխարհային հասարակայնությանը: Դրանք դարձան ողջ խորհրդային ժամանակաշրջանում ադրբեջանական իշխանությունների վարած հակահայկական քաղաքականության մարմնացումը:

Ադրբեջանի պաշտպանության նախարար Սաֆար Աբիևը փետրվարի 25-ին Հայաստանի և Ղարաբաղի հասցեին հերթական սպառնալիքներով է հանդես եկել: Նա նշել է, որ «անցած 15 տարիներին դիվանագետները չեն կարողացել որևէ կոնկրետ արդյունքի հասնել, և Ադրբեջանն ի վիճակի չէ սպասել ևս 15 տարի»:

«Այժմ հերթը պատերազմինն է, և այդ սպառնալիքն աստիճանաբար մոտենում է: Եթե զավթիչ Հայաստանը չազատի մեր տարածքները, ապա մեծ պատերազմի սկիզբը Հարավային Կովկասում անխուսափելի է»,- նշել է պաշտպանության նախարարը:

Կասկածելի քարոզչական դիվիդենդներ ստանալու նպատակով Ադրբեջանի իշխանությունները շարունակում են շահարկել ռազմագերիների մարդասիրական խնդիրը` լկտիաբար մանիպուլյացիաների ենթարկելով ադրբեջանական գերության մեջ հայտնված հայազգի քաղաքացիներին:

Երկուշաբթի Թուրքիայի վարչապետ Ռեջեփ Թայիփ Էրդողանն ասաց, որ ազատությունների առումով Թուրքիան ավելի ազատ է, քան արևմտյան շատ երկրներ: