Անուշիկը վարդագույն զգեստով

Կիրակի երեկոյան «Օսկարի» թեկնածու դերասանուհի Մագի Գիլենհալը Հոլիվուդում Կինոակադեմիայի ամենամյա մրցանակաբաշխության ժամանակ մետաքսե զգեստով ներկայացավ կարմիր գորգի վրա՝ ցնցող տպավորություն գործելով ներկաների վրա: «ԱրմենիաՆաուն» տեղեկացել է, որ նրա զգեստը նկարազարդել է երևանցի մի նկարիչ, ում անունը չենք կարող բարձրաձայնել, քանզի նա պայմանագրով հեղինակային իրավունքը փոխանցել է դիզայներին: «Կտավ-զգեստի» համար ներշնչանքի աղբյուր է ծառայել Վան Գոգի «Աստղազարդ գիշերը»: Գիլենհալը չհաղթեց «Երկրորդ պլանի դերասանուհի» անվանակարգում, բայց մենք «Օսկարը» շնորհում ենք երևանցի X նկարչին:

Երեկ՝ մարտի 8-ին, Կանանց միջազգային օրը մեկնարկեց կանանց մեկամսյակը, որը կավարտվի ապրիլի 7-ին՝ Մայրության և գեղեցկության օրը:

Անցյալ շաբաթ օրը Ծաղկաձորում պրոֆեսիոնալ սնոուբորդիստներ Ամբեր Սթաքհաուզը և Էրին Քոմսքոթը, որ Հայաստան էին ժամանել որպես սպորտի դեսպանորդներ, Հայաստանում սնոուբորդինգի առաջին մրցումների ժամանակ հանդես եկան մրցավարի դերում: Մրցումներին հաջորդեց պարգևատրման արարողությունը. կանանց թիմում հաղթող էր ճանաչվել Մարիաննա Թովմասյանը, իսկ տղամարդկանց՝ Կարեն Միրզոյանը:

Երեկ երեկոյան՝ մարտի 4-ին, բալետի սիրահարները հնարավորություն ունեին վայելելու Հայաստանի օպերայի և բալետի ազգային ակադեմիական թատրոնի երկու մասից՝ Բախի և Պերգոլեզիի ստեղծագործությունների հիման վրա բեմադրված ներկայացումը, որը բեմականացրել է միջազգային ճանաչում ունեցող արվեստագետ, պարուսույց Ռուդոլֆ Խառատյանը: (Լուսանկարում՝ մաս առաջին՝ Բախ):

Գարունը Երևանի փողոցներին գույների բազմազանություն է բերել:

Հայաստանին այս տարի արտասովոր մեղմ (և մի քիչ շփոթեցնող) ձմեռ էր վիճակվել՝ ժամանակն այնքան աննկատ սահեց, որ չհասցրինք աչք թարթել, և արդեն մարտ ամիսն է՝ առաջին թռչուններով և ծաղիկներով: (Երևանում եղանակն այսօր՝ մարտի 2-ին, +13 C աստիճան է:)

Երկու տարի առաջ այս օրը մտավ հայոց նորագույն պատմության մեջ որպես դրա ամենասև էջերից մեկը, երբ հայը դուրս եկավ հայի դեմ և անգամ սպանեց հային: 2008 թ. մարտի 1-ի վրա անջնջելի խարանի պես մնացին ցուցարարների և իրավապահ մարմինների միջև բախման ողբերգական դեպքերը, որոնց հետևանքով 10 մարդ զոհվեց, շատերը վիրավորվեցին, իսկ էլ ավելի շատ մարդիկ ստացան գուցեև անտեսանելի, բայց ոչ պակաս ցավոտ հոգու վերքեր: Այսօր երեկոյան արմատական ընդդիմությունը՝ Հայ ազգային կոնգրեսը, հանրահավաք է հրավիրել՝ հարգանքի տուրք մատուցելու զոհերի հիշատակին ու ևս մեկ անգամ բարձրաձայնելու, թե ովքեր են պատասխանատու այդ դեպքերի համար:

Գարնան գալուստին մնացել է 4 օր (իհարկե, ըստ օրացույցի, քանի որ եղանակն այսօր՝ փետրվարի 26-ին , +11 C աստիճան է) և բացօթյա սրճարաններն այդ կապակցությամբ «մեծ մաքրություն» են կազմակերպել՝ կազմ ու պատրաստ դիմավորելու սեզոնի բացումը: