ՀՀ պաշտպանության նախարարությունից հաղորդում են, որ Ղարաբաղի Մարտունու շրջանում մարտական հերթապահության կանոնների կոպիտ խախտման հետևանքով ծագած միջադեպի պատճառով զոհվել է 6 զինծառայող:

ՀՀ պաշտպանության նախարարությունից հաղորդում են, որ Ղարաբաղի Մարտունու շրջանում մարտական հերթապահության կանոնների կոպիտ խախտման հետևանքով ծագած միջադեպի պատճառով զոհվել է 6 զինծառայող:

31-ամյա լեյտենանտը վերջին զինծառայողն է, որը մարտական հենակետում մահացել է կասկածելի հանգամանքներում:

Արտակ Նազարյանը մահացել է երեքշաբթի Տավուշի մարզում, որտեղ անցկացնում էր իր ծառայությունը: Պաշտպանության նախարարության վարկածով` Նազարյանը, որը ութ ամիս առաջ էր զինվորագրվել` որպես պայմանագրային զինծառայող, ինքնասպան է եղել` օգտագործելով ինքնաձիգը:

Հայ երաժշտարվեստը մեծ կորուստ ունեցավ` հուլիսի 28-ին Մոսկվայում, 61 տարեկան հասակում կյանքից հեռացավ հայ օպերային անվանի երգչուհի Արաքս Դավթյանը: Երևանի Կոմիտասի անվան պետական կոնսերվատորիայի շրջանավարտը 1986 թվականին Ռուսաստանի պետական ակադեմիական մեծ թատրոնի կողմից աշխատանքի հրավեր է ստանում:

Ճանաչված ընդդիմադիր գործիչ Կարապետ Ռուբինյանը մեկ շաբաթ առաջ իր կուսակցությունից դուրս գալուց հետո նոր հայտարարությամբ է հանդես եկել` ներողություն խնդրելով և հետ վերցնելով այն մեղադրանքները, թե ՀՀ առաջին նախագահ Լևոն Տեր-Պետրոսյանի կուսակցությունը կեղծել է վերջին համագումարի ընթացքում անցկացված ընտրությունների արդյունքները:

Հայ հեղափոխական դաշնակցության (ՀՅԴ) պատգամավոր Վահան Հովհաննիսյանը կարծում է, որ ՄԱԿ-ի Հաագայում տեղակայված միջազգային դատարանի որոշումը Կոսովոյի անկախության վերաբերյալ ողջունելի է Լեռնային Ղարաբաղի շահի և համաշխարհային արդարության տեսանկյունից:

Հաագայի դատարանը հայտարարել է, որ 2008 թ. Սերբիայից Կոսովոյի անկախության միակողմանի հռչակումը չի խախտում միջազգային իրավունքը: Մինչ օրս Կոսովոյի անկախությունը ճանաչել է 69 երկիր: Ռուսաստանն ու Սերբիան դեմ են արտահայտվում Կոսովոյի ճանաչմանը:

Ջավախքի (Վրաստան) հայկական դպրոցներում նոր ուսումնական տարուն ընդառաջ խիստ կրճատվել են հայոց լեզվի դասաժամերը: Այս մասին ահազանգող ԱԺ պատգամավոր, «Ջավախք» հայրենակցական միության նախագահ Շիրակ Թորոսյանն ասում է, որ Վրաստանի իշխանություններն այդ քայլով նպատակ ունեն Ջավախքը հայաթափելու և հայերի ազգային դիմագիծը խեղելու:

Թորոսյանը, որին Վրաստանի իշխանությունները 2009-ի հունիսից արգելում են մուտք գործել Վրաստան` պատճառաբանելով, որ նա Վրաստանի ազգային անվտանգությանը վտանգ է սպառնում, ներկայացնում է վերջին տարիներին Վրաստանի հայկական դպրոցներում հայերենի դասաժամերի կրճատման միտումները:

ՀՀՇ վարչության նորընտիր նախագահ Արամ Մանուկյանը մամուլի ասուլիսի ժամանակ հայտարարել է, որ աջակցում է ՀՀ առաջին նախագահ Լևոն Տեր-Պետրոսյանի այն հայտարարությանը, որ Հայաստանի զարգացումն ու անվտանգությունը անմիջականորեն կախված են Լեռնային Ղարաբաղի հիմնախնդրի լուծումից և հայ-թուրքական հարաբերությունների կարգավորումից:

Այն մտավախությունների ֆոնին, որ կառավարության վերահսկողությունը տեղի ԶԼՄ-ների վրա աճում է, այդուհանդերձ Հեռուստատեսության և ռադիոյի ազգային հանձնաժողովը (ՀՌԱՀ) ՀՀ տարածքում թվային հեռարձակման ցանցի միջոցով եթերային հեռարձակում իրականացնելու հեռուստահեռարձակողների լիցենզավորման մրցույթ է հայտարարել Հայաստանի հեռուստաընկերությունների համար: Մրցույթը պաշտոնապես սկսվել է հուլիսի 20-ից և նախատեսված է 18 հեռուստածրագրերի համար:

Ընդդիմադիր Հայոց համազգային շարժում կուսակցությունում շարունակվում են ներքին պառակտումները: Երեկ «Ֆեյսբուք» սոցիալական ցանցում ՀՀՇ-ից հեռանալու մասին հայտարարություն է տարածել ՀՀՇ հայտնի անդամ Կարապետ Ռուբինյանը` հայտարարելով, որ չի կարող հանդուրժել հուլիսի 17-ին անցկացված ՀՀՇ համագումարում ՀՀՇ վարչության անդամների կեղծված ընտրությունները:

«Իմ դիտարկումներով և համաձայն ինձ հասած տեղեկությունների` ՀՀՇ հուլիսի 17-ին կայացած համագումարում ՀՀՇ վարչության անդամների ընտրությունների արդյունքները կեղծվել են: