Select edition
English
Հայերեն
տեղական լուրեր, գլոբալ լսարան
Ուրբաթ, սեպտեմբերի 03, 2010 Թարմացված է 17:46
Որոնել
Մեկ գիշեր. անձրև, քամի և, ի վերջո, ձյուն, երեք եղանակ ոչ միայն Երևանում
Ծառերը, կարծես, նեղսրտած ու «գժված» լինեն եղանակի քմահաճույքներից: «Զվարթնոց» միջազգային օդակայանի պաշտոնյաները տեղեկացնում են, որ չվերթները չեն հետաձգվել, սակայն օդակայանի կայքում չվերթները մինչև չորս ժամ հետաձգվել են: Արդեն ցեխաջրի վերածված ձյունը դժվարացնում էր աշխատանքի շտապող մարդկանց երթևեկությունը, սակայն փողոցներն անցանելի էին, և քաղաքի ձյուն մաքրող մեքենաներն աշխատում էին` բացելով ճանապարհները մեքենաների և անցորդների համար: ՀՀ գյուղատնտեսության նախարարության բուսաբուծության, անտառային տնտեսության և բույսերի պաշտպանության վարչության պետ Գագիկ Մանուչարյանի խոսքով` այսօր եկած ձյունը ցրտահարությունից նախևառաջ կփրկի աշնանացանը, քանի որ ձյան ծածկույթը բնական տաքություն է ապահովում: Սակայն որոշ գյուղացիներ մտահոգ են, որ ավելի վաղ տաք եղանակն այժմ վնասներ կբերի: «Իմ պնդուկի ծառերը և մի քանի այլ ծառեր արդեն բողբոջել էին: Ինչքանո՞վ կարող ենք համոզված լինել, որ այս ցուրտը բացասական չի ազդի բերքի վրա»,- անհանգստանում է Արարատի մարզի Ուրծաձոր գյուղի բնակիչ Հասմիկ Բազյանը: «Ընդհակառակը` այս եղանակը կօգնի, որ ծառերի բողբոջման գործընթացը կանգ առնի, և ծառերը չծաղկեն, քանի որ հետագայում` գարնանը, հնարավոր ցուրտ եղանակներին մենք ավելի մեծ կորստի առջև կարող ենք կանգնել (վաղ ծաղկող ծառերի դեպքում)»,- ասաց Մանուչարյանը: Երեկոյան կլինի 0-ից ցածր ջերմաստիճան և առաջիկա օրերին առատ ձյան տեղումներ չեն սպասվում:
Other Articles in Լուրեր
|
|
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Post a comment
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.