Կիրակի`մայիսի 30-ին, Հայ ազգային կոնգրեսի վեց ներկայացուցիչներ, որոնք արդեն երրորդ օրն է` ինչ փորձում էին նորաբաց Ազատության հրապարակում նստացույց անցկացնել, բերման են ենթարկվել ոստիկանություն, որտեղ նրանց «հորդորել են ու խնդրել հավաքվել քաղաքի ցանկացած մասում, բացի Ազատության հրապարակից»:

Ազատության հրապարակը երկու տարով փակվել էր, մինչ կառուցվեց ստորգետնյա ավտոկայանատեղին: Ընդդիմադիրները պնդում էին, որ հրապարակը քաղաքական հանրահավաքները կանխելու նպատակով էր փակվել: Ընդդիմությունը հրապարակը ճամբարի էր վերածել 2008 թ. նախագահական ընտրություններից հետո մինչև ոստիկանության ուժերի հետ մարտմեկյան բախումները, որին զոհ գնաց 10 մարդ, հարյուրավոր մարդիկ վիրավորվեցին, տասնյակ մարդիկ ձերբակալվեցին:

Թուրքիայի և Արևմուտքի միջև ի հայտ են գալիս «բաժանարար գծեր», որոնք հատկապես պայմանավորված են Իրանի և Թուրքիայի ստորագրած միջուկային էներգիայի գործարքով և շաբաթավերջին Գազայի շրջափակումը ծովով ճեղքելու ջանքերով:

Թուրքիան արևմտամետ ուժերից սահմանազատելն ակնհայտորեն ի հայտ եկավ, երբ վարչապետ Ռեջեփ Թայիփ Էրդողանը 2009 թ. հունվարին Դավոսում մեղադրեց Իսրայելի նախագահին Գազայի հատվածն օկուպացնելու մեջ:

2010 թ. մայիսի 29-ին թուրքական նավերը դուրս եկան Ստամբուլից`Գազայի հատվածի շրջափակումը ճեղքելու համար, որն ավարտվեց իսրայելական բանակի միջամտությամբ, ինչի հետևանքով էլ զոհվեց մոտ 10 մարդ:

Երկուշաբթի`Թեհրանում, Իրանը և Թուրքիան համաձայնագիր են ստորագրել Թուրքիայի տարածքում ցածրհարստացված ուրանի փոխանակման մասին: Համաձայնագիրը ստորագրել են Թուրքիայի, Իրանի և Բրազիլիայի արտգործնախարարները, արարողությանը մասնակցել են Իրանի և Բրազիլիայի նախագահները, ինչպես նաև Թուրքիայի վարչապետը:

Իրանում ուրանի հարստացումը անհանգստացնում էր հատկապես ԱՄՆ-ին, որը մեղադրում էր Իրանին միջուկային զենք ստեղծելու մեջ և հայտարարել է, որ Իրանը պատժամիջոցների կենթարկվի, եթե օգտագործի իր սեփական արտադրանքը:

ՀՀ նախագահ Սերժ Սարգսյանի` հայ-թուրքական արձանագրությունների վավերացման գործընթացը կասեցնելու հայտարարությունից օրեր անց Հայաստանի չորս ՀԿ-ներ պատրաստակամություն են հայտնել նպաստելու Թուրքիայի հետ հարաբերությունների կարգավորմանը:

«Եվրասիա համագործակցություն» հիմնադրամը, Մարդկային զարգացման միջազգային կենտրոնը, Հայաստանի արդյունաբերողների և գործարարների (գործատուների) միությունը և Երևանի մամուլի ակումբը այդ հարցի կապակցությամբ Հուշագիր են ստորագրել:

Այսօր`ապրիլի 16-ից մեկնարկում է Երևանում 2008 թ. մարտի 1-2-ի հետընտրական բախումների հետևանքով տասը զոհերի ընտանիքների բողոքներով հայցերի քննությունը դատարանում, որոնցով Կենտրոն և Նորք-Մարաշ վարչական շրջանների ընդհանուր իրավասության դատարան դիմած զոհերի իրավահաջորդները պնդում են, որ Հատուկ քննչական ծառայությունն ու Գլխավոր դատախազությունը պատշաճորեն չեն քննել սպանությունների հանգամանքները:

«Հայաստանի և Թուրքիայի սահմանի բացումը այդ երկու պետությունների գործն է։ Որևէ մեկը չպետք է միջամտի այդ գործընթացին»,- նման աննախադեպ հայտարարություն է արել Ադրբեջանի նախագահ Իլհամ Ալիևը` չորեքշաբթի, ապրիլի 14-ին կայացած Ադրբեջանի Նախարարների խորհրդի նիստում:

Ապրիլի 12-ին Վաշինգտոնում կայացած Սարգսյան-Էրդողան ավելի քան մեկ ժամանոց հանդիպման արձագանքներից հայաստանյան քաղաքական գործիչները հետևություն են անում, որ հայ-թուրքական հարաբերությունների կարգավորման գործընթացը գնում է դեպի սառեցում:

Հայաստանի արմատական ընդդիմությունը հեգնել է Ռոբերտ Քոչարյանի հայտարարությունը, որում նախկին նախագահն ասել է, թե ցանկության դեպքում կարող է հեշտությամբ վերադառնալ մեծ քաղաքականություն, ինչպես նաև քննադատել է նրան նախկին պետական գործչին անվայել բառապաշար օգտագործելու համար:

«Ժառանգություն» կուսակցությունը ընդդիմադիր և կոալիցիոն քաղաքական ուժերին կոչ է անում միավորվել կլոր սեղանի շուրջ`քննարկելու երկրի արտաքին և ներքին խնդիրներն ու մարտահրավերները:

Թուրքագետ Ռուբեն Մելքոնյանը երկուշաբթի`մարտի 29-ին, կարծիք է հայտնել, թե մինչև ապրիլի 24-ը`Հայոց ցեղասպանության հիշատակման օրը, Թուրքիան չի վավերացնի հայ-թուրքական արձանագրությունները: Թուրքագետն ասում է, որ կարգավորման գործընթացը դե ֆակտո սառեցված է, սակայն` հավելում, որ ապրիլքսանչորսյան ոչ պաշտոնական վերջնաժամկետից հետո իրավիճակը կարող է փոխվել: