Select edition
English
Հայերեն
տեղական լուրեր, գլոբալ լսարան
Ուրբաթ, սեպտեմբերի 03, 2010 Թարմացված է 17:46
Որոնել
Հայ-թուրքական հարաբերությունների բացակայություն. Էրդողանը մատնացույց է արել Մինսկի խմբի համանախագահող երկրներին` որպես մեղավորների
Կիրակի վարչապետը թուրքական TRT-1 հեռուստաալիքով հայտարարել է, թե ԵԱՀԿ Մինսկի խմբի համանախագահող երկրները (Ռուսաստանը, Միացյալ Նահանգները և Ֆրանսիան) անբարեխիղճ վերաբերմունք են ցուցաբերում ղարաբաղյան հակամարտության լուծման հարցում, ինչն իր հերթին խոչընդոտում է հայ-թուրքական հարաբերությունների կարգավորումը։ «Եթե վերջին 20 տարիների ընթացքում Ռուսաստանը, Ֆրանսիան և Միացյալ Նահանգները այս գործին լրջորեն վերաբերվեին, Թուրքիան, Ադրբեջանն ու Հայաստանը չէին ունենա այսօրվա խնդիրները»,- ասել է Թուրքիայի վարչապետը: Ըստ Էրդողանի` Մինսկի խումբը պետք է ավելի հաստատուն լինի իր սկզբունքների մեջ. «Նրանք պետք է ասեին` Հայաստանը հողեր է «բռնազավթել», և դա ապացուցել է ՄԱԿ-ը: Այդ «բռնազավթման» ավարտից անմիջապես հետո ոչ մի խնդիր չի մնում: Սակայն ԱՄՆ-ը, ՌԴ-ն և Ֆրանսիան սպասողական դիրք են ընդունել»: Մինչդեռ Էրդողանի այս հայտարարությունից ուղիղ մեկ օր առաջ Թուրքիայի նախագահ Աբդուլլահ Գյուլը Ռուսաստանի նախագահ Մեդվեդևի հետ հեռախոսազրույցի ընթացքում բարձր է գնահատել Ռուսաստանի աջակցությունը ղարաբաղյան հակամարտության կարգավորման գործում: Էրդողանը, անդրադառնալով հայ-թուրքական արձանագրություններին, հայտարարել է, թե Հայաստանը լրջորեն չի վերաբերվել հայ-թուրքական ստորագրված արձանագրություններին։ «Հայաստանի սահմանադրական դատարանի որոշումը մեզ մոտ տպավորություն է ստեղծել, որ հայկական կողմը ցանկանում է վերանայել դրանք։ Երևի դրանով Սերժ Սարգսյանը փորձում է ամրապնդել իր դիրքերը երկրի ներսում,- ասել է նա` շեշտելով,- Անկարան առանց որևէ փոփոխությունների և լրացումների արձանագրությունները փոխանցել է խորհրդարան, իսկ հայ-թուրքական արձանագրությունները վավերացնելու մեր միակ պահանջը մեկն է՝ ազատել Ադրբեջանի գրավյալ տարածքները»։ Էրդողանի հերթական հայտարարությունների վերաբերյալ դեռևս պաշտոնական արձագանք չկա, սակայն մի շարք պատգամավորներ արդեն իրենց վրդովմունքն են հայտնել: «Էրդողանն արդեն անցնում է բոլոր սահմանները: Իրականում նման պահվածքը հենց իր երկրին է վնասում»,- «ԱրմենիաՆաուին» ասում է հանրապետական պատգամավոր Գալուստ Սահակյանը: Հանրապետական կուսակցության մամուլի խոսնակ Էդուարդ Շարմազանովն էլ կարծում է, թե Թուրքիան լուրջ նպատակներ ունի ներգրավվելու ղարաբաղյան հակամարտության մեջ և «նրանց թվում է` եթե շատ խոսեն, կկարողանան դառնալ Մինսկի խմբի անդամ, բայց դա անհնար է»,- ասում է Շարմազանովը:
Other Articles in Քաղաքականություն
|
|
ԱրմենիաՆաուի էջերում
ՎԵՐԵՎ | Կատեգորիաներ | Resources | About | Site map | ԱրմենիաՆաուի Հաշիվ |
|---|---|---|---|---|
Readers' comments
Read commented Article
Post a comment
Read all 4 comments
Comments are welcomed and encouraged. However, comments not pertaining to the topic or containing slander or offensive language will be deleted. You have to be registered to be able leave your comment. Sign in or Register now for free.