Տարբեր աղբյուրների համաձայն` Թուրքիայում բռնության է ենթարկվել Անթալիայում հանգստացող մի հայ ընտանիք, ևս մի հայաստանցի անհայտ կորել է: Սա անհանգստության տեղիք է տվել Երևանում, որտեղ ոմանք կարծում են, թե այս ամենի հետևում ազգամիջյան կամ քաղաքական դրդապատճառներ կան: Թեև լուրերն ավելի շատ սենսաիցոն բնույթ են կրում և դեռևս ճշտված չեն` որոշ հայ զբոսաշրջիկներ անհանգստացած են Թուրքիայում արձակուրդներն անցկացնելու կապակցությամբ:

Մինչ շարունակվում են սնուցող ջրատարի վերանորոգման աշխատանքները, Կենտրոն համայնքի տարբեր փողոցների բնակիչները հիշում են 90-ականների սկիզբը, երբ մարդիկ դույլերով ջուր էին կրում մոտակա ցայտաղբյուրներից:

«ԵրևանՋուր» ընկերության մամուլի քարտուղար Մանե Մամյանի խոսքով` Երևանի Կենտրոն համայնքում` Փարպեցու, Պուշկինի և հարակից փողոցներում, ջրամատակարարումը հաճախակի դադարեցվում է, քանի դեռ տեղադրվում են փականներ, որպեսզի կարգավորվի ջրի ճնշումը և նվազի ջրի կորուստը:

Հուլիսի 28-ին ոստիկանները ուժով ցրեցին Թեղուտի պաշտպանության խմբի մոտ երկու տասնյակ ակտիվիստների բողոքի ակցիան կոմերցիոն բանկի մոտ, որը պատրաստվում է վարկ տրամադրել Հայաստանի հյուսիսում հակասական նախագծի իրականացման համար: Ակտիվիստները հավաքվել էին ՎՏԲ բանկի դիմաց` բողոքելու «Արմենիան Քափր Փրոգրամ» (ACP) ընկերության կողմից ՀՀ Լոռու մարզում գտնվող Թեղուտի անտառների տեղում պղնձամոլիբդենային հանքավայրի շահագործումը ֆինանսավորելու կապակցությամբ:

Ռուսաստանում երաշտը պատճառ է դարձել Հայաստանում հացի գների 20-25%-ով բարձրացման: Ըստ տնտեսագետների` ցորենից պատրաստված սննդամթերքների ավելի մեծ թանկացումներ են սպասվում, քանի որ Ռուսաստանում, որտեղից ներմուծվում է Հայաստանի ցորենի պահանջարկի մոտ 80 տոկոսը, վերջին 120 տարիների ընթացքում ամենածանր երաշտն է:

Սակայն, սպառողների իրավունքների պաշտպանները վստահեցնում են, որ արդեն իսկ սկսված թանկացումներն անհիմն են, քանի որ ալյուրի բավական պաշար կա բավարարելու պահանջարկը, և գների վրա դա չպետք է ազդեր, այդուհանդերձ, աշնան բերքից հետո պաշտոնյաները ակնկալում են մինչև 30 տոկոս գնաճ:

Իրավապաշտպաններն ահազանգում են, որ Հայաստանի կալանավայրերը գերբնակեցված են, և դրանցում պահվում են նախատեսվածից երկու անգամ ավելի դատապարտյալներ: Նրանք կոչ են անում իշխանություններին համաներում հայտարարել և բարեփոխել պայմանական վաղաժամկետ ազատման համակարգը:

ՀՀ վարչական դատարանը մերժել է գազի սակագնի բարձրացման դեմ 7230 քաղաքացիների հայցը: Երկուշաբթի` հուլիսի 26-ին, դատարանը պատճառաբանել է, որ գազի սակագնի բարձրացումը եղել է հիմնավորված, քանի որ բարձրացել է նաև ներմուծվող գազի գինը: Դատարանը մեջբերել է նաև այն փաստը, որ հայ-ռուսական գազ մատակարարող ընկերությունը` «Հայռուսգազարդը», խոշոր ներդրումներ է կատարել:

2010 թ. Երևանում գնացքի տոմսի համար հերթերը հիշեցնում են 90-ականների սուղ տարիներին հաց կամ նավթ ձեռք բերելու համար գոյացող հերթերը:

Վրաստանի Բաթում քաղաքում արձակուրդներն անցկացնելու համար հայաստանցիները ստիպված են առավոտյան 5-ից հերթ կանգնել Երևանի երկաթուղային կայարանում, որպեզի կարողանան գնացքի տոմս ձեռք բերել հայաստանյան տապից Սև ծովի ափին պատսպարվելու համար:

«Կրոնի ազատությունը Հայաստանում» ուսումնասիրության արդյունքում բացահայտվել են մի շարք իրավական ու հասարակական խնդիրներ, որոնք մարդկանց թույլ չեն տալիս ազատորեն դավանել այս կամ այն կրոնը կամ աթեիստ ու ագնոստիկ լինել: Ուսումնասիրությունում արտացոլված է նաև այսօր հասարակության ու զանգվածային լրատվամիջոցների վերաբերմունքը խղճի ազատության, տարբեր կրոնական կազմակերպությունների նկատմամբ:

Գեղարքունիքի մարզի բնակիչները, փակելով Երևան-Սևան մայրուղու Երևան-Մարտունի ճանապարհահատվածը, հույս ունեն վերջնականապես կասեցնել Արգիճի գետի Գայլաձոր վտակի վրա հէկի կառուցումը:

Հուլիսի 19-ին` առավոտյան, ավելի քան 500 բնակիչ փակել էին Երևան-Սևան մայրուղու Երևան-Մարտունի ճանապարհահատվածը` մոտ 5 ժամ թույլ չտալով տեղաշարժվել ավելի քան 1000 ավտոմեքենաների: Արդյունքում` ժամանել էին Գեղարքունիքի մարզպետարանի աշխատակիցներ, ովքեր խնդրել են տասն օր` խնդիրը լուծելու համար:

Դպրոցը, որ նախատեսվում էր բացել Դիլիջանում և խոստանում Հայաստանը դարձնել տարածաշրջանային և միջազգային կրթության հեղինակավոր կենտրոն, կարող է այդպես էլ չկառուցվել խնդրահարույց «Լեզվի մասին» օրենքին (որը թույլ է տալիս օտար լեզվով միջնակարգ կրթություն) հասարակության արձագանքի պատճառով:

Հայաստանի «Դիլիջան» միջազգային դպրոցի, որը Մոսկվայի մեծահարուստ, մարդասեր Ռուբեն Վարդանյանի մտահղացումն է, հիմնարկեքը տեղի ունեցավ ապրիլին` ՀՀ նախագահ Սերժ Սարգսյանը այգում տնկեց խորհրդանշական «գիտելիքների ծառ»` ազդարարելով նախագծի մեկնարկը: Դպրոցի բացումը նախատեսված էր 2013 թ., սակայն նախագծի ճակատագիրն այժմ անորոշ է` գաղափարը «մերժող մթնոլորտի» պատճառով: