Արդեն 10 տարի ազատազրկման դատապարտված ջավախքահայ քաղաքական գործիչ Վահագն Չախալյանի դեմ նոր մեղադրանքներ են առաջադրվել` 2005 թ. հուլիսին Ջավախքի Սամսար գյուղի հայ եկեղեցու վրացականացման ձախողված փորձի և նույն թվականի դեկտեմբերին հայ-վրացական սահմանի Ժդանովական-Բավրա անցակետի մոտ տեղի ունեցած ջավախքահայության բողոքի ցույցի առնչությամբ:

Պարտադիր կուտակային կենսաթոշակային համակարգը, որին Հայաստանն անցնելու է 2011 թվականին հունվարի 1-ից, բազում մտահոգություններ է առաջացնում ոչ միայն քաղաքացիների, այլև որոշ մասնագետների շրջանում:

Իշխանությունները սահմանափակել են կառավարությունը ազատ եղանակով փոխելու քաղաքացիների իրավունքը մայրաքաղաք Երևանի ավագանու ընտրություններում: 2009-ի ընթացքում իշխանությունները հետապնդել են քաղաքական ընդդիմախոսներին, կամայական ձերբակալություններ են կատարել, մարդկանց իրենց քաղաքական ակտիվության համար երկար ժամանակ պահել են նախնական կալանքի մեջ:

Երկարատև դատական գործընթացներից հետո երեկվանից չի գործում Երևանի ամենահին (բացվել է 1995 թ.) ու թանկարժեք բուտիկներից մեկը` «Միլանոն»: Երեկ Դատական ակտերի հարկադիր կատարման (ԴԱՀԿ) ծառայության աշխատակիցներն օտարել են եռահարկ վաճառասրահի առաջին հարկի ամբողջ գույքը:

9-ամյա Կամոն և 13-ամյա Վիկտորյան պնդում են, որ իրենց չկիսեն խնձորի կամ թխվածքի պես:

Այսօր (մարտի 10-ին) Երևանում անցկացված ֆորումի ժամանակ մասնագետները զգուշացրել են, որ վերջին տարիներին Հայաստանի հասարակության բոլոր շրջանակներում մեծ տարածում ձեռք բերած բջջային հեռախոսները կարող են բացասական ազդեցություն ունենալ երեխաների վրա:

Երևանի միակ բացօթյա դահլիճի քանդվելու դեմ ուղղված խմբի ձևավորումը www.facebook.com սոցիալական համացանցում ապացուցում է, որ Հայաստանում, ինչպես և այլ երկրներում, ինտերնետը վաղուց դարձել է նաև սոցիալական խնդիրների մասին բարձրաձայնելու միջոց:

Երևանի կենտրոնում գտնվող բար-գրախանութ հանդիսացող “The Club” հայտնի ժամանցային ակումբը, որտեղ նաև ցուցադրվում են ֆիլմեր, կազմակերպվում ցուցահանդեսներ և համերգներ, հայտարարել է նոր նախաձեռնության մասին. այստեղ անվճար ցուցադրվելու են ֆիլմեր բացառապես բնապահպանական թեմաներով, որին հաջորդելու են քննարկումները: Ֆիլմերի ցուցադրությունը տեղի կունենա ամեն շաբաթ օր` ժամը 16.30-ին:

Ընդդիմությունը պատրաստվում է դատի տալ «Հայռուսգազարդ» ընկերությանը (Ռուսաստանի «Գազպրոմի» դուստր ձեռնարկությունը)` գազի սակագների «աննախադեպ ու անհիմն բարձրացման» համար, քանի որ սակագնի 37,5 տոկոսով բարձրացումը, ըստ արմատական ընդդիմադիր Հայ ազգային կոնգրեսի, «կարող է վերջին կաթիլը լինել` բնակչությանը մատնելու վերջնական սնանկացման»:

Առաջիկա տարիներին ժողովրդագրագետները Հայաստանում կանխատեսում են ծնելիության նվազում, քանի որ այդ տարիներին իր վերարտադրողական տարիքին է հասնում 1990-ականներին ծնված սերունդը: