Թեև շաբաթ ՖԻԲԱ-ի կանանց բասկետբոլի C դիվիզիոնի մրցաշարում Հայաստանի ընտրանին պարտություն կրեց (74:65) Մալթայի հավաքականից, նրան հաջողվեց անցնել եվրոպական բասկետբոլի ավելի բարձր դիվիզիոն:

Անցյալ տարի հայտնի «Հատիս» բասկետբոլային ակումբի վերակենդանացումից հետո այս մրցաշարը Հայաստանի համար երկրորդ լուրջ փորձությունն էր, որը հավաքականը հաջողությամբ հաղթահարեց` անցնելով B դիվիզիոն, որտեղ Հայաստանի ընտրանուն, ինչպես ենթադրվում է, ավելի լուրջ մրցակցություն է սպասվում: (ՖԻԲԱ-ն բաղկացած է երեք դիվիզիոնից, որոնցից A-ն ամենաբարձրն է:)

Երևանում անցկացվող ՖԻԲԱ-ի կանանց բասկետբոլի C դիվիզիոնի մրցաշարում Հայաստանի ընտրանին իր երեք հանդիպումներն ավարտեց նույնքան փայլուն հաղթանակներով: Չորեքշաբթի վերջին խաղում տանտերերը 71:47 հաշվով հաղթանակ տոնեցին Անդորրայի հավաքականի նկատմամբ:

Ինչպես Ջիբրալթարի և Մոլդովայի հավաքականների դեմ խաղերի ժամանակ, այս անգամ ևս բարձր արդյունավետությամբ աչքի ընկան Ամերիկայից թիմի նորեկներ Ամանդա Ջեքսոնն ու Քրիստինե Քեպենեկյանը, որոնք վաստակեցին, համապատասխանաբար, 17 ու 15 միավոր։

Հայաստանի կանանց բասկետբոլի հավաքականը, երկու խաղում տանելով երկու հաղթանակ, այսօր կմասնակցի Երևանում անցկացվող ՖԻԲԱ-ի բասկետբոլի Եվրոպայի առաջնության կանանց C դիվիզիոնի մրցաշարի երրորդ մրցափուլին:

Երեքշաբթի Հայաստանի հավաքականը 71:64 հաշվով պարտության մատնեց Մոլդովայի ընտրանուն: Հաջող խաղով աչքի ընկավ ամերիկուհի Ամանդա Ջեքսոնը, որը 25 միավոր վաստակեց և կարողացավ 11 անդրադարձ գնդակ վերցնել: Կալիֆորնիայի պետական համալսարանի Բեքըրսֆիլդից Քրիստինե Քեպենեկյանը իր հաշվին գրանցեց 20 միավոր:

Երկուշաբթի Երևանի «Միկա» մարզահամալիրում մեկնարկեց ՖԻԲԱ-ի բասկետբոլի Եվրոպայի առաջնության կանանց C դիվիզիոնի մրցաշարը: Հայաստանի բասկետբոլի կանանց հավաքականը «ոչ այնքան հյուրընկալ» գտնվեց Ջիբրալթարի թույլ ընտրանու նկատմամբ` առաջին մրցափուլում խոշոր հաշվով` 98:45, պարտության մատնելով մրցակցին:

Այսօր Հայաստանում մեկնարկեց բասկետբոլի Եվրոպայի առաջնության կանանց C դիվիզիոնի մրցաշարը` հյուրընկալելով Անդորրայի, Ջիբրալթարի, Ուելսի, Շոտլանդիայի, Մոլդովայի թիմերին, որոնք ՖԻԲԱ-ի երեք դիվիզիոններից ամենացածր վարկանիշ ունեցողներն են: Մրցաշարին մասնակցող Հայաստանի հավաքականը հույս ունի բարելավել իր դիրքերը և հայտնվել B դիվիզիոնի կազմում:

Հայաստանի առաջատար բասկետբոլի ակումբ «Հատիսը» 2009-2010 թթ. հասնելով փլեյ օֆ փուլ` հեղինակություն ձեռք բերեց և դա էլ նպաստեց, որ երկու տարին մեկ անգամ անցկացվող Եվրոպայի առաջնությունը, որը կտևի մինչև հուլիսի 3-ը, այս անգամ հյուրընկալի Հայաստանը:

Հայաստանի բասկետբոլի ֆեդերացիայի ներկայացուցիչների կարծիքով` այս ամսվա վերջին երկրում առաջին անգամ կայանալիք Եվրոպայի C դիվիզիայի առաջնությունում Հայաստանի հավաքականից լավ արդյունքներ են սպասում:

Կանանց Եվրոպայի C դիվիզիայի առաջնությանը (տեղի կունենա հունիսի 28-ից հուլիսի 3-ը Երևանի «Միկա» մարզասրահում), հյուրընկալող երկրից զատ, կմասնակցեն Անդորրան, Մոլդովան և Ջիբրալթարը (Հայաստանի հետ ընդգրկված են A խմբում): B խմբի թիմերն են Ուելսը, Շոտլանդիան և Մալթան (Ադրբեջանի հավաքականը հրաժարվել է գալ Երևան:)

Այսօր` ապրիլի 14-ին, Հայաստանի բասկետբոլի ֆեդերացիան հայտնել է, որ Արևելյան Միչիգանի համալսարանի (ԱՄՀ) կանանց բասկետբոլի թիմի լավագույն խաղացողներից մեկը` Քրիս Խաչատուրովը, ընդունել է Հայաստանի ազգային հավաքականում խաղալու հրավերը: Մայիսի 15-ին Խաչատուրովը կգա Հայաստան և կփորձի տեղ գրավել ազգային հավաքականի հիմնական կազմում` հունիսի 28-ից հուլիսի 3-ը FIBA-ի Եվրոպայի C դիվիզիայի առաջնությանը մասնակցելու համար:

Հայաստանի բասկետբոլի կանանց թիմը` «Հատիսը», Օրենբուրգում անցկացված պատասխան խաղում պարտվեց ռուսական «Նադեժդա» թիմին Եվրոպայի գավաթի խաղարկության 1/16-րդ եզրափակչում:

Հինգշաբթի Երևանում Եվրագավաթի որակավորման վերջին` վեցերորդ տուրում F խմբում ընդգրկված Հայաստանի կանանց բասկետբոլի ակումբը` «Հատիսը», 78:74 հաշվով հաղթանակ տարավ Թուրքիայի «Բեշիկթաշի» նկատմամբ: Հաղթանակը Հայաստանի թիմին ապահովեց երկրորդ տեղը (9 միավորով) և անցումը փլեյ-օֆ: «Բեշիկթաշը» նույնպես ունի 9 միավոր, սակայն վաստակած և բաց թողած միավորների հարաբերակցությամբ և «Հատիսից» կրած երկու պարտության (սեփական հարկի տակ և արտագնա խաղերում) պատճառով Ստամբուլի թիմը երրորդ տեղում է: Խմբի վերին հորիզոնականը զբաղեցնում է «Սոնի Աթինաիկոսը» (Աթենք, Հունաստան):

Երևանի «Հատիս» կանանց բասկետբոլի ակումբը երկրորդ անընդմեջ պարտությունն է կրել 2009/2010 Եվրոպայի գավաթի որակավորման խաղերի F խմբում` այս անգամ արդեն Ռուսաստանի հյուսիսային Վոլոգդա քաղաքում տեղի ունեցած խաղի ժամանակ: Տեղի «Չևակատա» բասկետբոլի թիմի հետ խաղում հայկական թիմը 91:82 հաշվով պարտվեց, իսկ «Հատիսի» մարզիչները բողոքում էին մրցավարների կողմնապահությունից: