Հաստատվեց 2010թ. ՀՀ ֆուտբոլի Բարձրագույն խմբի առաջնության խաղացանկը: Բարձրագույն խմբի մրցաշարում ընդգրկված է ութ թիմ` «Փյունիկ», «Միկա», «Ուլիս», «Բանանց», «Գանձասար», «Շիրակ», «Կիլիկիա» և «Իմպուլս»: Առաջնությունը կմեկնարկի մարտի 27-ին և կավարտվի նոյեմբերի 14-ին:

Չորեքշաբթի այս մրցաշրջանի առաջին ընկերական հանդիպման ընթացքում Հայաստանը 1:3 հաշվով պարտություն կրեց Բելառուսի հավաքականից: Խաղը տեղի ունեցավ չեզոք դաշտում` Թուրքիայի Անթալիա քաղաքում:

Անյալ շաբաթվա վերջին Հայաստանի ֆուտբոլի ֆեդերացիայի (ՀՖՖ) նախագահը, ներկայացնելով Հայաստանի հավաքականի նորանշանակ մարզչին, ասաց, որ վերջին մոտ մեկ տասնամյակում առաջին անգամ գլխավոր մարզչի պաշտոնում հայ մարզիչ է նշանակվել: Ռուբեն Հայրապետյանը կոչ արեց համախմբվել նրա շուրջը:

Մարտի 3-ին Հայաստանի ազգային հավաքականը ընկերական հանդիպում կանցկացնի Բելառուսի հավաքականի հետ: Հանդիպումը տեղի կունենա Անթալիա քաղաքի «Աթաթուրք» մարզադաշտում, ժամը 19:00-ին:

Մարտի 15-ին և 16-ին Մոսկվայում կքննարկվի ԵՎՐՈ-2012 ընտրական մրցաշարի B խմբի խաղացանկը: Այդ հանդիպման ընթացքում Հայաստանը կներկայացնեն ազգային հավաքականի գլխավոր մարզիչ Վարդան Մինասյանը և ՀՖՖ հավաքական թիմերի բաժնի պետ Էդգար Մանուկյանը:

Հինգշաբթի հայտնի դարձավ, որ Հայաստանի ֆուտբոլի ֆեդերացիայի նախագահը 2002 թ. ի վեր առաջին անգամ ազգային ընտրանու մարզիչ է նշանակել հայի:

Նախնական պայմանավորվածության համաձայն` Եվրոպայի ֆուտբոլի կառավարող մարմինը զերծ պահեց Հայաստանին և Ադրբեջանին ընտրական փուլում միմյանց հետ կրկին հանդիպելու հավանականությունից, թեև կիրակի վիճակահանության ժամանակ երկու հավաքականներն արդեն իսկ հայտնվել էին նույն խմբում:

Քառամյա ընդմիջումից հետո Հայաստանի բազմակի չեմպիոնը կրկին մասնակցում է ԱՊՀ և բալթյան երկրների գավաթի խաղարկությանը Ռուսաստանում: 1993 թ. հունվարի կեսից անցկացվող ավանդական այս մրցաշարին մասնակցում են նախկին խորհրդային հանրապետությունների լավագույն թիմերը:

Եվրոպական ֆուտբոլի կառավարող մարմինը փորձում է խուսափել «Եվրո-2012»-ի ընտրական փուլում Հայաստան-Ադրբեջան հանդիպումից, ինչպես դա եղավ 2008 թ.: Այն փաստը, որ երկու հավաքականները գտնվում են տարբեր զամբյուղներում, հավանական է դարձնում նրանց` նույն որակավորման խմբում հայտնվելը:

Ավարտվեց Հայաստանի ֆուտբոլի հերթական` 18-րդ ազգային առաջնությունը: Ավարտվեց առանց անակնկալների. մայրաքաղաք Երևանը ներկայացնող «Փյունիկ» ֆուտբոլային ակումբը արդեն 9-րդ անգամ հաղթող է ճանաչվում` 28 խաղից 65 միավոր վաստակելով: Աշտարակի «Միկան» 58 միավորով զբաղեցրել է 2-րդ տեղը, 53 միավորով 3-րդ տեղում է Երևանի «Ուլիսը»: Բարձրագույն լիգան լքում է անցյալ խաղաշրջանի փոխչեմպիոն Երևանի «Արարատը»` հայ երկրպագուների լեգենդար ֆուտբոլային թիմը, և նրա փոխարեն հայկական ֆուտբոլի բարձրագույն լիգայում 2010 թ. խաղաշրջանում խաղալու է Դիլիջանի «Իմպուլսը»: Առաջնության լավագույն ռմբարկուն է դարձել Արթուր Քոչարյանը («Ուլիս»), որը 15 գոլ է խփել, իսկ Բոթի Դեմելը («Միկա») և Արսեն Ավետիսյանը (Կապանի «Գանձասար»)` 14-ական: