Բողոքավորները նեղում են ոստիկաններին ու քշում լրագրողներին
Ֆրանսիայի դեսպանատան մոտ հավաքված մարդկանց թիվը, որն արդեն անցել է մի քանի հազարից, շարունակում է մեծանալ: Մթնոլորտը լարված է, մարդիկ` բորբոքված:
Մի ականատես պատմել է «ԱրմենիաՆաուին», որ բողոքավորները հարձակվել ու ծեծել են մյուս ոստիկաններից առանձնացած մի ոստիկանի: Ականատեսն ասել է, որ ոստիկանները փորձում են միասին լինել, բայց հենց մեկուսանում են մյուսներից` փախչում են բողոքավորներից:
«ԱրմենիաՆաուին» նաև հայտնել են, որ ցուցարարները ծակում են ոստիկանական ավտոմեքենաների անվադողերը:
Ոստիկանությունը թույլ է տալիս ցուցարարներին գնալ դեպի Մատենադարան:
Մարդիկ պահանջում էին Լևոն Տեր-Պետրոսյանին և չէին պատրաստվում հեռանալ առանց իրենց առաջնորդի: